ஸ்கோடா கோடியாக் ஸ்பெஷல் மாடல்

0 14

ஸ்கோடா கோடியாக் எஸ்யூவி ரக மாடல் காரின் ஸ்பெஷல் எடிசன் இந்தியாவில்  விற்பனைக்கு கொண்டுவரப்பட்டுள்ளது. ஸ்கோடா கோடியாக் லாரின் அண்ட் கிளெமண்ட் என்ற பெயரில் இப்புதிய மாடல் வந்துள்ளது.  கோடியாக் எஸ்யூவி ரக கார், அனைத்து வசதிகளும் பொருந்திய விலை உயர்ந்த மாடலாக விற்பனை செய்யப்படும். இப்புதிய காரில், ஆட்டோமேட்டிக் பார்க்கிங் அசிஸ்ட் தொழில்நுட்பம் மற்றும் அதற்கான 360 டிகிரி கேமரா  கொடுக்கப்பட்டுள்ளன. இன்டீரியர் மானிட்டரிங் சிஸ்டத்துடன்கூடிய ஆன்ட்டி தெப்ட் அலாரம் வசதியும் உள்ளது. இந்த காரில் ஓட்டுனர் அயர்ந்து போவதை கண்டறிந்து எச்சரிக்கும் வசதியும் உள்ளது. இந்த காரில் தொடுதிரையுடன்கூடிய இன்போடெயின்மென்ட் சிஸ்டம் மற்றும் எல்சிடி திரையுடன்கூடிய இன்ஸ்ட்ரூமென்ட் கிளஸ்ட்டர்  கொடுக்கப்பட்டு இருக்கிறது. 7 ஸ்பீடு ஆட்டோமேட்டிக் கியர்பாக்ஸ் இணைக்கப்பட்டுள்ளது. ஆல் வீல் டிரைவ் சிஸ்டமும் உள்ளது. இந்த ரகத்திலேயே 9 ஏர்பேக்குகள் கொண்ட மாடலாகவும் இது பெருமை பெறுகிறது. இப்புதிய ஸ்கோடா கோடியாக் லாரின் அண்ட் கிளெமென்ட் மாடல் ரூ.35.99 லட்சம் எக்ஸ்ஷோரூம் விலையில் விற்பனைக்கு வந்துள்ளது.

Leave A Reply

Your email address will not be published.